الشاعرة / فتحيه الرحبان .
وش أخباري بعد كل اللي سويته
وتسأل بعد تهمك يعني أخباري
تعب قلبي من الأشواق وأشقيته
ولا فكرت ب شعوري ولا داري
عن الحلم الجميل اللي يا حب مليته
وتبي بلحظة تقطّـع كل أوتـاري
جــدار الحب ماكفّااك ؟ هدّيـتــه
قطعت من قلبك أوراقي وأزهاري
و قلبي خنقت كل أفراحه وكويته
وعكّرت الصفا اللي كان فأنهاري
حنيني إليك كان يبكي وصدّيــته
نزف جرحي وعرفوا الكل أسراري
أبي أفهم وش اللي فيك سـوّيته
جرحتك ؟ لا أبد مو هذي أدواري
أنا كل الشــعر لعيوونك أهديـتــه
أنا لأجلك فتحت حسابي الجاري
لجل قلبي و هان عليك بكّيته
كذا تسوي وأنت أميــر أشعاري
كذا وأنت الوحيد اللّي من الدنيا تمنيته
بعد كل الألم تسال عن أخباري
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com