الشاعر / مشعل العليان .
وشلون حالي يـوم بدع الطروقي
طيب ومستانس ومرتـاح وبخير
واليا حمدت الله بساعة شروقي
تنتابني راحة مع النـاس واطير
ياللي تقول ان الهوى ما يروقي
نسناس بارد يرسـل اغلا تعابير
باللي سلب عقلي وكامل حقوقي
يأمر على كيفه ومـن حقـه يغيـر
والقلــب لــو حـاول عليهـا يلوقي
يسمع صدى شوقي والحب تقدير
يشعل مشاعر هايمه من خفوقي
واتوب عن درب الشقى والمعاسير
ماني جبـان وعارف انـي صدوقي
لكني مدري عندها وش هو يصير
لاشفتـهـا كــنــي لمحــت الفروقي
الشـوق صور لـي غلاهـا تصاوير
ينبض لـه احساسي وتحيـا عروقي
والعذر منهـا كـان بالهـرج تقصير
الحـب سجـن وساكنـه مـن يفوقي
يشكي معاناتـه علـى شانـه أسير
يسبح بحور وتالــي امره يذوقي
طعم الالــم فـي مــر الأيام تدمير
سبـب لـي الضيـقـه وكـون حروقي
وش عـاد لـو طالـت عليّ المشاوير
جاك السحاب ومعطـيٍ لـك بروقي
والوصل خيـر مـن الجفـا والمعاذير
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com