الشاعر / محمد شويّط الميزاني .
مع السلامه و الزمن لو زماني
ما كان ودّعتك ولي خاطرٍ فيك
اللي خذلني شي و اللي خذاني
اخفيته بقلبي على شان مابكيك
مقفي ، و كلماتك تزلزل كياني
اليا ذكرت انّي تركتك وانا ابيك
كلّه على شانك و لا هو عشاني
شفني و انا مقفي وقلبي يناديك
وليا بغيت ارجع لعين الاماني !!
ما عاد يمديني و لا عاد يمديك
أنا نسيت الحلم مع من نساني
( عزيزَ قومٍ ) في زمان الصعاليك
خذ : قسوة ايّامك و عطني حناني
واعطيك شيّ ٍ عن عطا الناس يغنيك
أذكرك من صوت البحر و الأغاني
واذكرك فـ : الآهات و الشوق يدعيك
الله !! من قلبٍ يحبّ بتفاني !!
ضحّى عمر كامل على شان يرضيك
وش ذنب مثلي في حياته يعاني؟
وش ذنب صدري يا الهموم الدواكيك
هذا الزمن قاسي و ظلمه حداني
افلت يديني قبل لا تجرح ا يديك
اضحك و في عيني حروف و معاني
أشياء كانت في حياتي وتعنيك !!
ودّعتك الله !! و الزمن لو زماني
ما كان ودّعتك وانا خاطري فيك
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

