شعر / بدر عبيد الحربي .
يالهفة احساسي اللي منك ذابحني
مشاعري كيف أنا أقدر اقويها
لذة غرامي لصفق الموج طارحني
وانزع لقلبي لو أفكر ابكيها
اعاتبه ثم ضيق الصدر صافحني
نبرة دلع بالعتب ثم جيت اراضيه
غلطان كانك تفكر يوم تجرحني
غيرك يبي فرصتن ماهو بلاقيها
لكن روح وبسامح وسامحني
ولا تحرق النار غير اللي وقع فيها
بعز نفسي ولاودي تفرحني
بالعوده اللي بدم القلب شاريها
قد قلت تكفى تجي يمي تصارحني
ماكنت احسبََ هالفعله تسويها
امزوحك اللي به ليلي تمازحني
وضحكاتك اللي تعل الكبد ترويها
وصوتن يمسيني ونوبه يصابحني
واقول لبيه وانا رايحن فيها
اسرجت فكري..وملهمني وشارحني
قصه غرامك حروف الشعر تحكيها
يكفيك انك أمام الناس فاضحني
من اه مع ونتي بحروفي ابديها
تدري ويش اللي منرفزني وذابحني
اني عطيتك جوارح وانت مدميها
وتدري ويش اللي مغربلني وجارحني
مشاعري سقتها لك وانت مضميها
وتدري ويش اللي مزهدني ولافحني
ذكرى أليمة على وصلك نعزيها
وتدري ويش اللي معقدني وطارحني
اشواقك اللي على عتمت مساريها
وتدري عن أبيات لك فيها تصارحني
ليلي نسيم الهبايب لي تغنيها
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com