الشاعر : محمود الصبحي.
يا من درا عنك يالمجمول وش حالك
غابت حراويك والموعد تعدّاني
كل ما أقول الهوى ماهو على بالك
يزورني في منامي ويتبلّاني
طيف الغرام القديم اللي تغنّالك
في تالي الليل يعزف أجمل الحاني
يكتب له الشوق من ما يطرِب جمالك
حتى تبات القوافل حول وجداني
واعنّها و اتمخطر قبل ما سالك
عن أخر شعور خبّيته على شاني
والّا عن البوح وقت تحِن لعقالك
اللي تمنّاه يوم الصمت يغشاني
تِهل دمع المحاجر واسمع رحالك
تحِن مثلك ولا ترضا تحداني
يا ساري الليل ورّدني على جالك
نسيت كل الدروب اللي تناساني
تعال خلّ السواقي تقصُب حبالك
قدّام لا ترتخي وتعيش وحداني
قلبي إلى العام يحفظ رقم جوالك
كلّه على شان ينسى الموعد الثاني
يا طول ليل السهر وانا ارقب دلالك
تصُب لي من نباها بن خولاني
لكن عسى اليوم ربي يصلح أحوالك
بعد السنين العجاف اللي تقفّاني
________________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com
