الشاعر : سالم سلوم الصبحي .
زين المعاني واضحه في كلامه
طاروق شاعر وازن القاف مخبور
الحمدلله يوم جاء بالسلامه
ياطيب هاجوسٍ كتبته على سطور
تعطل الموتر ووقف نظامه
وراعيه من ما صار خارج عن الطور
يم الشمال وساب سكة تهامه
صوب الديار اللي بها القلب مسرور
يبغى ديار اهل الوفاء والزعامه
اهل العلوم اللي بها الخير منظور
بدر حنين المجد فيها علامه
من بعد ماجاها النبي شعشع النور
حب الوطن ايمان وايضا شهامه
ومن غاب عن موطنه ياشهم معثور
وصفت فيه ابن عباد وخطامه
شايب كبير من الغبن سار محسور
والشوف قل والغطا من عسامه
وكل من شافه يقولون معذور
بعد ان قتل ابنه تهاوت احلامه
وصورة خياله لاح فالأفق بظهور
_______________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com
