الشاعر : أحمد بن بركات القرني .
أول على شان الغلا أسهر ليال
ماهو بكيفي لا ولا هو برضايه
الزين خلاني مقيد بسلسال
عندك يبو عينٍ تجيد الرمايه
ما كان فالخاطر ولا كان في البال
أتبع هوى قلبي وامشي برايه
ما غرني قبلك من الناس رجال
إلا أنت يالي فالحسن كنك آيه
زاد الصدود وزود القلب غربال
يا حيف مدري ليش هذا جزايه
قابلتني بجحود وبجور واهمال
وأنا من أول صادقٍ في هوايه
واليوم عني يا هوى تنشد الحال
صوتي تقطع وانت تسمع ندايه
صديت عن قلبٍ طلب منك اوصال
وشحيت لين انه ذبحني ضمايه
مشكور ومجمل على كل الأحوال
بنساك وانسى ذكرياتك معايه
________________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com