الشاعر : باني شديد الحيسوني .
غربلتنا سود الأيام وظروف السنين
راحت أيام الطرب واليال الصافية
ما نقول إلا عسى الله على الدنيا يعين
مانبي منها يا غير السلامه كافية
كم تحملنا تعبها وكنا صابرين
ونرتجي من غيمة الصبر مده وافية
كل يوم أقول يمكن بعد بكره تزين
واغلب أيام العمر روحت متقافية
الآمال اللي ترجيتها صارت طحين
ولمبة الأحلام قدام عيني طافية
ابتديت برحلة اليأس بالجرح الدفين
ماشيٍ والدرب مظلم ورجلي حافية
تايه وماشي على الوجه ضمن التائهين
وان سألنا مالقينا إجابة شافية
غير طعنات من الوقت بالسيف السنين
كل يوم يسل سيفه بطعنة خافية
والقريب اللي ذخرته على الدنيا عوين
لا زهمته قال ما فيك غير العافية
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com