الشاعر / فهد النعماني الحربي .
قفلت بابك يالزعل و المشاريه
ابغى أعيش العمر صافي مع الناس
وقتي على كيفي أنا ودي اقضيه
طايع لربي لين الجنب حسـاس
عمرٍ قصيرٍ بايناتٍ مواريه
اخير من عيشة دهر وسط الأنجـاس
منهو صفا معنا ترانا نصافيه
له مسكنٍ فا القلب وقَدرٍ على الراس
واللي نقص في قننا ما نجاريه
ما نغلي أعشار القبايل و الأخماس
واللي تجنبنا ولو نفسنا فيه
ما نتبعه لو نشتكي بعده البأس
ما عاد له من عشرته غير ماضيه
نحفظ له المعروف في غب الأنفاس
ومن رادنا لو يطلب الروح نعطيه
ما نبدله لو عوضونا به ألماس
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com