الشاعر / نايف الوسمي .
السكوت أخير من بعض الكلام
والسوالف في ضميرك خلها
خير من هرجٍ يجي بعده ملام
كلمةٍ عوجا لقت من شلها
والحياة ادروس والدنيا مقام
واللبيب اللي عرف وش دلها
ولا حضرت بمجلس رجالٍ حشام
استمع دق الهروج وجلها
وافطن لهرجٍ يجي مثل السهام
اخذ من زينه وترك علها
واكسب فنون الأدب والاحترام
في مجالس سعد منهو دلها
ذي طرأت الروح يا مال الرحام
عز نفسك وانتبه لا اتذلها
ولا تصير اللي يسمونه خمام
ينقل العوجاء وهو راع لها
السكوت أخير من بعض الكلام
والسوالف في ضميرك خلها
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com