الشاعرة / الجازي خالد الحمود .
إمسح دموعك ترىٰ الدنيا ألم وهموم
لملم بقايا الجروح وعانق البسمه
مافيه شيٍ على الدنيا بحالٍ يدوم
كلاً يباخذ نصيبه وافي وقِسمه
سامِر سماك البعيده مِن قمر ونجوم
حاول تشوف الفضاء لوحه بها رسمه
إطلع مِن الواقع القاسي وطير وحوم
بين الخيال السعيد وصافي النِسمه
كم مِن سعيدٍ قَبل يسعد تمنى حُلوم
واليوم صارت حُلومه والفرح وسمه
إنهض بصبرك على شانك وطيح وقوم
خلك مع اللي يحاول ينّمدِح إسمه
شفّني رسمت الفرح عند النجوم اغيوم
تمطِر على هاجسٍ ما يحتمل جِسمه
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com
