Site icon مجلة شبابيك العالمية

(طرف تايب )

الشاعر / #محمود_الصبحي .

لا ساقت الدنيا عليك العجايب

اعجب معاها وإقتفيها بالأشعار

طيّر غثاها مع هبوب الهبايب

من شان ما تشناك و تطيح فالنار

و اللي يسطّر بالردى و إنت غايب

لا تعتني له و لا تخلّيه يختار

إكْره قِراه وعلّمه بالسبايب

قلّه تراك فذمّتي تهدم الدار

لجلك جحدت الطيب مع كل نايب

و من الجهل لبستلك ثوب سمسار

وش عاد لو ما جيتني وإنت شايب

و تعيل لك مع أسرتك كوم قصّار

عايش حياتك مرتكي للقرايب

لا حثّربت دلّه و لا جوك خطّار

وإن كان ماغضّيت ياطرف تايب

عن بعض ماهيّت تصاريف الأقدار

بشرب عليك من المحو و الكتايب

وأردج عليها من صميلات الأذكار

علّ و عسى تلقى مع الوقت غايب

يلفي عليها و المودّين حضّار

ننسى الملام و ننشغل بالرحايب

مع كل همسة شوق غمزات و أسرار

نروح مع ظل المزون السحايب

نعزف لحن ما تعزفه كل الأوتار

_________________________________________

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر :

فيسبوك :

https://m.facebook.com/138707346321569/photos/a.138711732987797/440611296131171/?type=3&source=44&refid=17

سناب شات :

https://www.snapchat.com/add/shababeksglob19

قناة شبابيك :

https://www.youtube.com/channel/UCZbfRIHzi1WyP3_7lHfc0ag

لمزيد من الأخبار المنوعة الدخول : http://www.shababeks.com

Exit mobile version