الشاعر / #محمود_الصبحي .
لا ساقت الدنيا عليك العجايب
اعجب معاها وإقتفيها بالأشعار
طيّر غثاها مع هبوب الهبايب
من شان ما تشناك و تطيح فالنار
و اللي يسطّر بالردى و إنت غايب
لا تعتني له و لا تخلّيه يختار
إكْره قِراه وعلّمه بالسبايب
قلّه تراك فذمّتي تهدم الدار
لجلك جحدت الطيب مع كل نايب
و من الجهل لبستلك ثوب سمسار
وش عاد لو ما جيتني وإنت شايب
و تعيل لك مع أسرتك كوم قصّار
عايش حياتك مرتكي للقرايب
لا حثّربت دلّه و لا جوك خطّار
وإن كان ماغضّيت ياطرف تايب
عن بعض ماهيّت تصاريف الأقدار
بشرب عليك من المحو و الكتايب
وأردج عليها من صميلات الأذكار
علّ و عسى تلقى مع الوقت غايب
يلفي عليها و المودّين حضّار
ننسى الملام و ننشغل بالرحايب
مع كل همسة شوق غمزات و أسرار
نروح مع ظل المزون السحايب
نعزف لحن ما تعزفه كل الأوتار
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com


صح لسانك ياشاعرنا👏🏻👏🏻
صح لسانك ابو عبدالرحمن
صح لسانك يابو عبدالرحمن 💐
صح لسانك شاعرنا … مبدع كعادتك
صح لسانك شاعرنا المبدع
ابيات جزله وفيها رسالة واضحة لفئة معينة وللأسف موجود هذا الصنف يتفيئ ظلال كبار القوم ويعيش متخفي في ذراهم..
لله درك يابو عبدالرحمن ولا ليت قومي يعلمون..
يسلم راسك يا ابو عبدالرحمن
صح لسانك ابو عبدالرحمن
صح لسانك شاعرنا
صح لسانك أبو عبدالرحمن
سلمت.