الشاعر / مسلم فرج العصيمي العمري .
ياجهاد لاتتبع طريق المقفّين
ارقى سماء بين النجوم المطلّه
بعض العرب لو تحشمه حشمت العين
يصد لا منه لقى فيك خلّه
ما دمت ماتطلب ولا يطلبك دين
خلّ المقفّي تحرقه نار غلّه
وانصى الرجال اللي تعاونك وتعين
واترك رديٍ يحتري منك زلّه
راع الردى لو هو من الربع الادنين
في لازمه صفر أيسر العدّ خلّه
مثل السّلم يبهرك بالمنظر الزين
وليا قربته مدرق الشمس ضلّه
ثلاث واسمع يادفى الجنب تمكين
تصير مثل الحيد محدٍ يقلّه
صون الأمانه واحفظ العرض والدين
ما يجيك عقد إلّا وربك يحلّه
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com