الشاعر _نايف مريشيد المحمدي .
يوم اقلعت ( طيَّارة الهند ) فزيت
وحسيت قلبي فز واقلع معاها
غمضت عيني عن هواها وصديت
وجهي وانا بالعين نفسي اراها
ويوم استدارت بنحِداره تمنيت
لديارها ترجع و توطا ثراها
واليا تعدل خطها قلت ياليت
بالهون تاخذ لفتٍ في حماها
وكل ما بدت ليّ هزة الجسم ونيت
احس روحي وَصَلَتَ منتهاها
قمت اتأمل وانظر الجو والليت
واطالع اللي يرتجف من هواها
ولما اعتلت ثم ابعدت صدق ظنيت
يصيبنا بعض البلا من بلاها
ذكرت ربي وقتها واسترديت
انفاس روحٍ عِلِّقت في سماها
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

