Site icon مجلة شبابيك العالمية

( ودعتك الله )

الشاعر / محمد شويّط الميزاني .

مع السلامه و الزمن لو زماني

ما كان ودّعتك ولي خاطرٍ فيك

اللي خذلني شي و اللي خذاني

اخفيته بقلبي على شان مابكيك

مقفي ، و كلماتك تزلزل كياني

اليا ذكرت انّي تركتك وانا ابيك

كلّه على شانك و لا هو عشاني

شفني و انا مقفي وقلبي يناديك

وليا بغيت ارجع لعين الاماني !!

ما عاد يمديني و لا عاد يمديك

أنا نسيت الحلم مع من نساني

( عزيزَ قومٍ ) في زمان الصعاليك

خذ : قسوة ايّامك و عطني حناني

واعطيك شيّ ٍ عن عطا الناس يغنيك

أذكرك من صوت البحر و الأغاني

واذكرك فـ : الآهات و الشوق يدعيك

الله !! من قلبٍ يحبّ بتفاني !!

ضحّى عمر كامل على شان يرضيك

وش ذنب مثلي في حياته يعاني؟

وش ذنب صدري يا الهموم الدواكيك

هذا الزمن قاسي و ظلمه حداني

افلت يديني قبل لا تجرح ا يديك

اضحك و في عيني حروف و معاني

أشياء كانت في حياتي وتعنيك !!

ودّعتك الله !! و الزمن لو زماني

ما كان ودّعتك وانا خاطري فيك

_________________________________________

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر :

فيسبوك :

https://m.facebook.com/138707346321569/photos/a.138711732987797/440611296131171/?type=3&source=44&refid=17

سناب شات :

https://www.snapchat.com/add/shababeksglob19

قناة شبابيك :

https://www.youtube.com/channel/UCZbfRIHzi1WyP3_7lHfc0ag

لمزيد من الأخبار المنوعة الدخول : http://www.shababeks.com

Exit mobile version