الشاعر ضيف الله السميري .
ليه تسمع للعواذل بدون ادنى دليل
وانت في عالم غرامي مثل كوكب زحل
صرت من حلمٍ حقيقي لـ حلمٍ مستحيل
اعترف به بس ماله على الواقع محل
تنسج خيوط القريحه نهاية ثلث ليل
اهتويها واتغنى وانا شاعر فحل
مارضيت اكون هامش ولا ارضى بالقليل
وان وطيت الجمر عادي ولا اطا في وحل
من تمنى لقمة العيش من كف البخيل
ماقدر من عين الابداع يسرق له كحل
اعتبرني بارقٍ لاح في عرض المخيل
هل ديمومة غمامه على قاعٍ محل
قو قلبك لا تردد على باب الرحيل
منت بـ اول من شريته ولا اخر من رحل .
المحتوى أعلاه تم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
قناة شبابيك :