الشاعر _ الحسين الصعب
مايجبر الشاعر على القاف والبوح
الا الجروح الغايرات الدفينه
ليت الليالي كلها لعب ومزوح
ولا به قلوبٍ من عناها حزينه
وليت السهر يقفي بلياة مصلوح
يقفي وهو يحمل هدوء وسكينه
اغمض عيوني على حلم وطموح
واصحى وقلبي قد تزايد ونينه
ينهد صرح واقول تتشيد صروح
بكره يعم السعد كل المدينه
والوقت يقتل داخلي عز وجموح
تبت يدين الوقت تبت يدينه
ياليل لاتترك لي الباب مفتوح
انا رجل ملت صموده سنينه
قفل على الاحلام والقاف والبوح
واستر على شاعر تزايد حنينه
لو كان بردك زادني هم وجروح
وسطى بروح ن فالمحبه رهينه
الا انني مؤمن بما خط فاللوح
واعذاري اللي جتك جاتك سمينه
جيتك وانا كلي معاناه و وضوح
والبوح زود في الخفوق الغبينه
واقفيت ياليلي وانا مثل مذبوح
تبكي على روحته دمعات عينه
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com
