مجلة شبابيك العالمية

مرثية.

الشاعر : محمود الصبحي.

بالهون ياصوت الحزن والكآبه
احرق كبود احبابنا طقّ الابواب
كل ما انتهينا من لحون الربابه
يزورنا لحن الحزن بعد ما غاب
ياليت ما ناخت علينا ركابه
وياليت ما خلّا زهابه على الباب
جبّار لا عاد الاهل والقرابه
تسمع صداه يقلّع جذور الاطناب
كافي علينا مامضى في عذابه
نشكي من فراق الاحبة والاصحاب
جانا وقدّم مخلبه قبل نابه
واخذ معاه انسان في واهج شهاب
حتى القمر لا غاب فالكون نابه
ويطيب خاطر لاظلم الليل ماطاب
المرحبا والجود تنعي جنابه
والطيب من زود الحزن صابره شاب
مكلوم قلب اللي بلغ به نصابه
يوم المناوي عارضت عكف الاشناب
يا وجد حالي راح فأول شبابه
ابناخي الفزعة وفكاك الانشاب
هاني ومن يلقى في رده اجابه
غير ابتسامه كاسره للعتب ناب
يالله يا خالق رجال تشابه
بأقوالها واشكالها نسخ وكتاب
عطنا مثل هاني بعد ما غدابه
الموت يوم الموت له سيف وجراب
ولا ظن ف الدنيا يعوض غيابه
اللي مثل هاني عنه حي ما ناب
من راح في علم المدبّر ذهابه
الاَهنا رب الخلايق والاسباب
نطلبك يارحمن خفّف حسابه
واللي سأل ربه فلا شك ماخاب