الشاعر : محمود الصبحي .
مات الكلام ولا عرفنا نعزّيه
عقب اغتيال النبض داخل سموه
تبّدل الماضي وضاعت مواريه
وطار السحاب اللي همل في نشوه
نتبع اثر مبطي والاجيال تمشيه
محدٍ وصل لمناه والدرب توه
شدّ الرحال وصار ما عاد يمديه
ف الدرب عبراته وذكراه ضوه
المشكلة فاللي لحونه تسليه
عن وحشة الايام يحتاج خوه
ماهي على بُعد المسافه خطاويه
يحسب حسابه ب الادب و المروه
واللي يشوف إنه لزومٍ يعدّيه
لا ينظر ب عين الزعل في عدوه
يحفظ مشاريهه والاحكام ترضيه
وإنكان عوّد عقب الانذار كوه
يا زين من يجعل رحوله امانيه
يسوق زينات الفكر حسب جوه
واليا رعت هجنه على حدّ واديه
تسقي ضماها من هماليل نوه
_______________________________________
المحتوى أعلاه يتم نشره عبر حسابات المجلة أدناه
تويتر : Tweets by shababeks_1
سناب شات : https://www.snapchat.com/add/shababeksglob19
انستقرام: https://instagram.com/shababeks1?r=nametag
قناة شبابيك : https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com