(هامش الربح) .

الشاعر : #محمود_الصبحي .

على مهل يا تالي الليل هانت
ما باقي إلّا كم ساعة إلى الصُبح

هات اللحون اللي من الشوق زانت
عسى القوافي تقتفيها على الجرح

وإن ما لقيت أرواح للعين بانت
إزّبن على الذّكرى وعرّج مع الفرح

لا تستعير أوصاف من عين خانت
ولا من أصوات الكآبه ولا النبح

ودّي تثير أصداء لأيام كانت
ما تنوفي مهما تعمّقت فالشرح

لإنّها رغم التواريخ صانت
كل امنياتي وإمنعتها من السطح

راحت ولا رقّت ولا أظن لانت
قضّت جديلتها ولا رادت الصلح

واللي يخليها كذا يوم فانت
تمشي على لُّجّه ولا تامن الصرح

في ذمّة الأيام واليوم بانت
يعني خسارتها على هامش الربح

مثل الطليب اللي حراويه حانت
ما ينفعه لو زوّدوا مدّة الفسح

_______________________________________

المحتوى أعلاه يتم نشره عبر حسابات المجلة أدناه تفضلوا بالمتابعة :

تويتر : Tweets by shababeks_1

سناب شات : https://www.snapchat.com/add/shababeksglob19

انستقرام: https://instagram.com/shababeks1?r=nametag

قناة شبابيك : https://www.youtube.com/channel/UCZbfRIHzi1WyP3_7lHfc0ag

لمزيد من الأخبار تفضلوا بزيارة موقعنا : http://www.shababeks.com