الشاعر : باني شديد الحيسوني .
ياراكب اللي يسبق الطير لاحام
مطور التصميم بديار بوشي
ولا عارضو به عند بايع وسوام
ولاهو مجهز للحطب والعفوشي
يطوي الصحاري لامشى طيت الخام
لانقض يشبه لانقضاض الوحوشي
صفق الحجر على الرفارف الياقام
مثل البرد لاهل فوق الدشوشي
تقال قافينه عساكر وخدام
كن التواير للوطا ماتنوشي
لومر ساهر ما يجيبه بالارقام
اسرع من افلاشه تقال امخروشي
واللي يطالع فيه لامر قدام
راسه من السرعه خطير يدوشي
مرسول للي يشبه الحر لزام
طلق المحيا والحجاج البشوشي
اللي على العليا يجي خشمه اعرام
يذبح لضيفانه كبار الكبوشي
وقل له يابو مجدي رفيقك له أعوام
قلبه من الفرقاء تقال محشوشي
براه منهو زاهياً شال والثام
اللي كفوفه زاهيات النقوشي
طول غيابه وابعدت فيه الأيام
ومن البطى يافهيد شابت رموشي
مرت على فرقاه خمسة عشر عام
لكن الغلاء باني بقلبي عروشي
واصبحت مثل للي وقف بين الالغام
الوضع موحش والطريق مغشوشي
_______________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com

