الشاعر / باني شديد الحربي .
بعض القصيد المنتشر بالسنابات
ياليت بعض الشعر ما يكتبونه
وزن القصيدة صار كله مطبات
وصعب ن عليهم كسرها يجبرونه
مدري تسمى شعر وآلا خرافات
بس الوكاد يغث من يسمعونه
دبلتوا كبود أهل الذوق بالذات
وش فايدتكم ضغطهم ترفعونه
خلوا بيوت الشعر تبقى نزيهات
ياليتكم باب الشعر تقفلونه
شفنا وعفنا من كثير العبارات
من ناس تكتب شيء ما يفهمونه
الشعر يحتاج البيوت الجميلات
يطرب قلوب الناس ويرددونه
يحتاج له فهم وثقافة وخبرات
وشعار وبحور الشعر يطرقونه
قصيدهم مثل الذهب والجنيهات
يضبطون الساس ويزينونه
تكاتفوا يا أهل العقول السليمات
تراثنا تكفون لا يدمرونه
________________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com

