الشاعر – عبدالله بن عرده .
ترى الشعور اللي عن الناس نخفيه
صادق وحنا بالمدارى ظلمناه
انقى من الالماس كل النقاء فيه
وحنا بسواد احساسنا قد كسيناه
تدرون ليش إنا صراحه نخبيه
لأنه صريح ولا ضمر ما ضمرناه
وحنا نبي درب المتاهات نمشيه
نهجٍ قبيح ومن يخالفه بعناه
افلاسنا ماهو بمالآ نوزيه
انه ضميرٍ حي ظلماً دفناه
مبنى بلا سيسان عليت مبانيه
ينهد به مبناه لو ما هدمناه
ما اقولها للي عسى الروح تفديه
نسعى ورى صيته ولو ماعرفناه
اقصد بها شخصٍ بخيله أياديه
تشكي يساره يا بشر بخل يمناه
________________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com

