الشاعر – محمود الصبحي .
يضدّني للبوح ذود النّعاره
اللي على الميراد جونا مصادير
على صدوف الوقت فيهم جساره
ولا يحسبون حساب لأدنى مخاسير
ذوق وثقافة مع فنون ونظاره
وعيون تستحوذ على كل تقدير
حتى الكفوف الدافية والإثاره
في شرع عفّتهم خطايا محاذير
لكن مع التجديد داير مداره
على مجال الكون مثل المقادير
يسرح ويمرح ما يعدّي قطاره
إلا وأنا ويّاه نضرب مشاوير
يا وجد حالي من بلوغ الصداره
بعد إنتهينا ما روينا من البير
دقّت نواقيس الخطر والسطاره
بانت مواريها على قبّة الدير
عذرى من النظرات فيها شطاره
كل العطايف في ذراها مسايير
من طولها صارت لعيني مناره
أشوفها عن سدّ كل المساتير
مثل الفنار اللي يشعشع بناره
على جناح الليل شمس و مجابير
يقدّر الملتاع عمق إختصاره
لكن مع الّلمحه تضيع التعابير
جُندي على اللحظات ماسك خفاره
كسبه من اللي فات نوح ومحاسير
كيف إستحلّت برج عالي جداره
مبني على ضرب الحجر بالعصافير
حتى يبيح السد فوج النداره
اللي ورد يوم المساقي نوافير
________________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com

