الشاعر : مشعل العليان
مدري وراهـم لا حضرنـا يهجِّـون
من قـوّنـا يانـاس أو مـن خطـرنا
مع اننـا سمـحيـن للـي يطيبون
واعْـزاز بـ دروب الـردى ما عبـرنا
ننثر جزيل الحرف والناس يقرون
ونعطي كثيـر الـود لامـن حضرنا
معنـا رصيد الـذوق يجتـاز مليون
وكلٍ على الوقـفـات عنـده خبـرنا
نحسن مع الطيّب وربعـه يمونون
ونكرم هل النخوه ولا احدٍ طمـرنا
ياللي بديتـو فـي عيونـي تميلون
ليـت العــذر ماهـوب هــذا قـدرنا
وين النقـى يا أهل المـروّه تودّون
وين السمـاحـه غايـبـه عـن بصـرنا
ترى التواضـع فيـه الاجـواد يرقـون
علــمٍ وصلـكـم بالعجـل واختصـرنا
وياللي غلاكـم صايـرٍ لـي على هون
عـن الجفـى والصـد حنـا استـخـرنا
لو ما خذينـا من الغلا قلـب مجنون
يكفـي عشـان الحب نعشـق سهـرنا
مــدري صراحـه لاسهـرتـو تقـهـوون!
حـنــا شربــنــا حـبــكــم وانـسحـرنا
________________________________________
المحتوى أعلاه يتم نشره عبر حسابات المجلة أدناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار تفضلوا بزيارة موقعنا : http://www.shababeks.com