الشاعر : ابراهيم ياسين البارقي .
وضعي طبيعي ولا بعد عالي العال
لوني اشوفك تستفزي حنيني
واقف بصمتي مثل وقفات الجبال
ماني هذاك اللي قبل تكسريني
راحت بي أيامي وجابتني ليال
ودوافع الذكرى تبدد سنيني
صدفة لقانا جنبها الجرح يختال
عندك ولكن وينك انتي وويني
يكفي وصالي كم لقى منك الاذلال
ومشاعر الإحباط تلوي يديني
اعميت عين الفرح من كحل الآمال
ونشوة حنين الشوق كم تعتريني
وشكرا على حسن التعامل والإهمال
وعرفت ربي برحمته مبتليني
حتى اقتنعت بعمري انه ولو طال
مايمسح الدمعة سوى راحتيني
والحين جرحي طاب ومابه ترا إشكال
وانا نسيتك من قبل تذكريني
سبحان منهو بدل الحال بالحال
ماكنّي أعرفكي ولا تعرفيني
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com