Site icon مجلة شبابيك العالمية

وقّف هجومك”

الشاعر : مشعل العليان .

وقّف هجومك لا تفكّـر تِعَلِّل

وارجوك قلبي لا تَعَرّضه مَرَّه

لك عيـن تتكلم وتبدا تحلل

بدري عليك ولا تحاول تكرّه

ياخي تعبنَا وانت صاير تملل

سكّر حياتي منك شفناه مِرَّه

اللي عطاك العين ليتـه يهلل

ادخل على الله مالقينا مسرّه

أنت السبب عنـّا تقول وتزلل

يومك تحط لسكة الحب جرّه

وان كانها خطّـه تراني ما احلل

وشلون من حَبك يهون وتضرّه

تلعب بقلبـه ليـن جالك تسلل

يـوم الحـكـم صفّــر ولـلّـه درّه

ودك تسجّل قـول عقـب اتَّعَلل

لأجل المدرب ما يضيق بمقرّه

غرقان أنا بالحـب وأنت امتبلل

حسبي عليك شلـون قلبي تغرّه

مبطي اعدّي لك واكمّـل وادلل

واليـوم دربـي لا تخـطط تمـرّه

________________________________________

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر :

سناب شات :

https://www.snapchat.com/add/shababeksglob19

انستقرام:

https://instagram.com/shababeks1?r=nametag

قناة شبابيك :

https://www.youtube.com/channel/UCZbfRIHzi1WyP3_7lHfc0ag

لمزيد من الأخبار المنوعة الدخول : http://www.shababeks.com

Exit mobile version