الشاعرة / فتحيه الرحبان .
في عيوني حب أكثر من كلامي
خلها تحكي شـكثر أتمنى قربك
انت طيفك ساكن بداخل عظامي
كل ما أسهى داخلي يجتاح نبضك
يا غلا دنياي يا أجمل غرامي
منهو غيرك يستحق كلمة أحبك
خذتني من جو حزني في سلامي
وقلت يا توحة أبي أسكن بقلبك
فز قلبي من الفرح بك يا هيامي
وقلت تآمر أمر ومن يقدر يردّك
صرت لي تاريخ واسأل عن نظامي
تدري كم ديوان ألّفته في حبّــــك؟
شوقي يكتب وعيني عيّت ما تنامي
كنت أحاول دائماً أكون جنبك
لك كتبت ألفين قصة بالتمامي
فيها غنّى الشوق يالغالي عشقتك
انت أصدق حلم يكفيه اهتمامي
مستحيل أنسى مكانٍ فيه شفتك
يا محطة عشق ياشمعة ظلامي
في انتظار الحلم مهما طال صمتك
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

