الشاعر / محمود الصبحي .
ألا يا بحر جده عليك اشتكي وابوح
ظروف الزمان اللي عيوني تبكّيها
سرتبي الليالي في طريقك بلا مصلوح
عن اللي غرامه عذبه ما تعديها
حدتني تصاريف المقدّر عن المسموح
تهبّ الرياح اللي تغيّر مجاريها
أشوف الأماني مقفيه من بعيد تروح
أظن الذواري عن طريقي تجلّيها
ثمانٍ تقافت ما سجعلي حمام الدوح
تمنّيت لحظه تبتسم لي واناديها
عطتني ولكن ما عطتني أمل وطموح
ماغير الدموع اللي تباغت حراويها
خذتني على غفله ومنها البروق تلوح
سرابٍ يوهّمها بنظره ويخفيها
رمتني عيوني في طريق البكى والنوح
وانا طالبك يالله ذا الحال تنهيها
ألا يا بحر جدة شجى صوتك المبحوح
خذ لحوني العذبة وجرب تغنيها
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com