الشاعر / عوض الجعيدان .
بكتب قصيدة تجمع انفاسي خيال
وتهب روحي كل ما روحك تهب
تدرين قلبي سال من روس الجبال!
وليلي يحدر بي على كلمة : أحب
والبعد دولة .. بين هجرك و الوصال
ودرب الفراق كل ما حضرنا ينسحب
شفتي الظلام اللي لبس ثوب الخيال
وشلون يقدر يحضن عروش العنب
تركت قلبي في حزن والهم مال
والحزن يلغي حفلت احساس الصخب
من خطط هموم الليالي بأعتدال
خلى الفراق أكبر من حدود العتب
وش تفهمين ان قلت : في جرحي سؤال ؟
ياطى على عذق المشاعر والرطب
جرح ٍ نما في ساعة ٍ بعد الزوال
قبل الغياب وقبل مـَ الشمس تغرب
يا بنت لو جرحي من أسباب الجمال
لا تزعلي لو قلت لك : قلة أدب !
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com
