الشاعر / مشعل العليان .

لامن طرالي حبكم يالمعاشير
اصير كنـّي مرتفـع بالجبالـي

اسج وادلـه والليالـي معاسير
النار شوفك والمشاعــر دلالي

قندتها بالعـشق وانتم مخابير
ومديتها بالحب والراس عالي

للـي عشانــه ماتهـم المخاسير
عينه دوا قلبـي وروحـه دوا لي

الهـرج لا قالـه يحـط التباشيـر
والمـر لا ذاقه غدى المر حالي

ماقول دونـه لازهمنـي معاذير
واحب في هرجه كثير السؤالي

لا قال وشبك ماعكفت الازارير
اقول ودي تضبـطـه بالعـدالي

يمكن مع ايدينك تزين المقادير
واليا ارتكز ثوبي فـ عدّل عقالي

وهات البخور بغاليات المباخير
منك الكمال وغايتي لك كمالي

من بعدها بعطيك من دون تأخير
اغلـى قصيـدٍ محتـوي للجزالي

وين انت من مبطي تحل التدابير
وتعطي كثير علوم عنك بوصالي

ماتدري انـي لا بغيـت المشاوير
اروح من ضيقـي واعـّود لحالي

خليتنـي بحمـاك سيـد المناعير
وقطعتنـي بالناس ولاني مبالي

جتني قسيمه والسبب عاكس السير
القصد شوفك والصدايد محالي

 ________________________________________

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر :

سناب شات :

https://www.snapchat.com/add/shababeksglob19

انستقرام:

https://instagram.com/shababeks1?r=nametag

قناة شبابيك :

https://www.youtube.com/channel/UCZbfRIHzi1WyP3_7lHfc0ag

لمزيد من الأخبار المنوعة الدخول : http://www.shababeks.com