الشاعرة / فتحيه الرحبان .

‏للأماكن والأسامي ألف ذكرى

كل ما حاولت أنسى عاندتني

‏عشتها وياك والله أنت أدرى

ليتها النسيان مهما لا حقتني

أتعبتني ودي أفتح فيه مجرى

بالتجاهل لو ظروفي حاربتني

لو هي خلتني بسلام أنسى و أبرى

ليــتها ماتت قبل ما فارقتني

يا عيوني لي طلب عندك و بشرى

تمسحين الصورة اللي ضايقتني

وابشري بللي تبيه اليوم وإلّا بعد بكرى

اوعديني لو عيوونه ناظرتني

لا تعيدين النظر لو صار عشــرا

خوفي إنك تضعفين وخــاابرتني

بتبعك بالروح مهما كان يجـــرى

ليتني القاك وانتي عارفتني

مهما أقسى يظل كنّه حب عثرة

ولو أقاوم أو أمــثّل فاضحتني

نظرة عيوني إذا شافته تــِقــرا

كل نظــراته لأنّك آسرتني

وهو يدري إني هيمانة بذكرى

ما اتحمّل كلمة منه ساحرتني

لأجل كل ما فات جتني تو فكرة

أمحي كل الذاكرة مهما اتعبتني

لازم أحرقها عشان أسد ثغرة

وأنسى كل لحظاتٍ بقربه ضايقتني

________________________________________

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر :

سناب شات :

https://www.snapchat.com/add/shababeksglob19

انستقرام:

https://instagram.com/shababeks1?r=nametag

قناة شبابيك :

https://www.youtube.com/channel/UCZbfRIHzi1WyP3_7lHfc0ag

لمزيد من الأخبار المنوعة الدخول : http://www.shababeks.com