الشاعر / باني بن شديد الحربي .
يوم اقبل الليل والدار اكتست بالظلام
أسدل عليها الستار وكل شي اختفاء
صفّيت جزل الحطب واشعلتها بالثمام
لين الفجر بان نوره ضوها ماطفاء
محتاج لي جو هادي يبعث الانسجام
احس جوي مغيّم له سنه ماصفا
من قال لي كيف حالك قلت حالي تمام
لو كان عانيت من دنياي كثر الجفا
الوقت قاسي ولا جالي على مايرام
الله يعلم بماعانيه واللي خفاء
دنياك ماتلتزم بشروط والا نظام
لا عاندت وادبرت خلّتك خلف الشفاء
مايريح القلب ويزيل التعب والالام
ياكود جلسة مع اهل العرف واهل الوفا
جلسه وسمره بليله مكتسيها الغمام
رعّادها يقعد اللي نام واللي غفا
تسمع لصوت المطر من فوق سقف الخيام
هادي هواها. ورايق. بس. وبل ودفا
واليا نشدنا عن الامطار شرق وشام
جميع من جاك قال السيل هذا ضفا
________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com