الشاعر – ناصر الجبيري .

الرجال تبان في وقت الشدايد

والرخوم تصد ما تبغى تجمل

والكريم يجود مادور فوايد

والبخيل يشح مايقدر يكمل

والشجاع يقول تبشر بالسعايد

والضعيف ينخ لو انه تحمل

يسلام الله على وساع البنايد

الرجال اللي تفز ولا تخمل

فالمبادئ والسلوم وفالعوايد

دور اللي دايم بربعه مجمل

النشاما تفرق السوم وتزايد

ماتسوم غير في شيٍ يجمل

ان بغيت العز درب العز كايد

اكرب حزامك ولا يقعد مهمل

ما يذوق العز خمام الوسايد

ولا يروم الكايده غير المصمل

________________________________________

المحتوى أعلاه يتم نشره عبر حسابات المجلة ادناه تفضلوا بالمتابعة :

تويتر :

سناب شات :

https://www.snapchat.com/add/shababeksglob19

انستقرام:

https://instagram.com/shababeks1?r=nametag

قناة شبابيك :

https://www.youtube.com/channel/UCZbfRIHzi1WyP3_7lHfc0ag

لمزيد من الأخبار المنوعة الدخول : http://www.shababeks.com