شعر / ميعاد الحربي .
أنا لي قلب متعبني ، ولا له حلّ
يحب يهيم بدروب الوفا .. رحّال
يذوق المرّ حالي .. ويْتجرّع ذلّ
كبر همّه ووحده للحزن شيّال
ظروفه ما تهيّت يوم حظّه .. قلّ
وكل اللي فرح به مع دموعه سال
يبي عن غربته موطن ويبغى ظِلّ
يضمّه عن هجيره ، لو رحيله طال
ولي روحٍ نظيفه ، ما تعَرْف الغِلّ
واشوف ان العطايا لو كثير قلال
تبسّمت وتحمّل خاطري من زلّ
عليّ وصرت اصفّي نيتي لو حال
ما بين شكوكي وبيني يقين وظَلّ
بحلقي للصدق غصّه وقلت احتال
على جروحي وضيقات الليال وكلّ
شعور .. يمسّني .. ويبدّل الأحوال
متى بارتاح يا سنين العطش وابتلّ
قضى عمر الطريق وكل غصنٍ مال
تعبت اندم ومن كثر الندم ما املّ
تعبت اصبر واقول ان الأمل ما زال ..
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

