الشاعر / باني شديد الحربي .
حل المساء واقبل علي الليل والديرة بعيد
جالس لحالي والخلاء موحش ولا عندي خوي
والليل مظلم والدروب صعاب ولحالي وحيد
غير الهواء يصفق مع الريعان تسمع له دوي
صحراء وفيها الجو حره يلتهب جداً شديد
مع طلعة الخامس هواها لا لفح يشوي شوي
بارض خلاوية ولا عندي ونيس ولا عضيد
ماحولي الا الذيب في روس المشاريف يعوي
رغم الخلا والليل والوحشة احس اني سعيد
مرتاح من بعض الكلام اللي كوى قلبي كوي
الكلمة اللي مالها معنى وراعيها عنيد
لو الهدف عنها مخالف غير يزويها زوي
بعض البشر قربه مرض واليا هرج علة وريد
والمشكلة ماهو بعيد عنك حيل لله قوي
دايم يكرر هرجته بالخبث ماعنده جديد
ولو انها مثل السواري غير يلويها لوي
ناس برفع الضغط ماني داري وش تستفيد
لا شفت واحدهم وفعله قلت له ماهو سوي
جلست اسامر دلتي واردد بيوت القصيد
واطالع نجوم السماء يالين تبعد واتهوي
وارجع على ذكرى الزمان اللي مضى واخد واعيد
واعيش مع جو البداوة يوم أنا كنت بدوي
يوم النوايا الصافية والعلم والرأي السديد
وقلوبهم غير العلوم الغانمة ما تحتوي
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
انستقرام:
https://instagram.com/shababeks1?r=nametag
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

