الشاعر / بدر عبيد الحربي
لا ياضلام الليل يازين مسراك
تحت جناحك مامشيت بتخبي
ولا ياهدير الموج ماعاد انا ادناك
ولا ياهبوب النود كفي وهبي
ويانور عيني مدري ارثيك وانعاك
والا اتغزل في جمالك ياحبي
سامحك ربي كثر ماقلت انا اهوك
وسامحك ربي كثر ماقلت احبي
رحتي وخليتي لي اطيوف ذكراك
رحتي وخليتي لي لهفه بقلبي
رحتي وانا ودي بقربك وانا ابغاك
لي الملاذ ولي علاجي وطبي
رحتي وانا ودي بضحكة شفاياك
ودي بهمسة صوت دايم بقربي
لامر طيفك قلت حياك حياك
افزه له واقول حياك ربي
الزول زولك والحلايا حلاياك
يعني ترا طيفك وربي لعبي
اتخيلك واشوف سمحة محياك
واقوم لك واقف ورحب ولبي
احاكي اطيوفك عساني فداياك
بلبيه يالبيه يانبض قلبي
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

