الشاعر/ باني شديد الحربي .
ياغايبة لو كان غبتي عن العين
صورتك مطبوعه بعيني طباعه
دايم معي عن ناظري ما تغيبين
حبك حفظته مثل حفظ الوداعه
طال الفراق وجاله سنين وسنين
ووالله ما غبتي عن البال ساعه
ياغايبة ليتك عن الحال تدرين
وشفتي غيابك هد حيلي ولاعه
غلاك باقي مثل مانتي تخبرين
لو طالت الغيبه مشيد شراعه
مكانتك ماتنشغل بالقريبين
ولايعوضني فيك الاهل والجماعه
لك دعوة تسوى الذهب والملايين
وقت الفجر لا بان وابدى شعاعه
وفقدتها والحال من بعدها شين
والكون قدمي ضاق رغم اتساعه
لكن عساك مع الرسل والنبيين
ويشفع لك المبعوث راع الشفاعه
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

