شعر / ميعاد الحربي .
” زهرة ثلاثيني ” .. سقتها وعودك
اورَق غرامك والعُمر ربّع .. وفحت
في صدر وافي ضمّ قسوة صدودك
في عين زمّت ذكرياتك .. ولا طحت
يكبر حنيني .. تحت غيمة قيودك
أربع حروفك بددت صمتي وبحت
راعي مكان بـ قلبي .. وبنت مُودك
على هواك اتشكّل ان جيتني سحت
شوقك يدندني .. على رتم .. عُودك
ضحكة حجاجك شالت الـ آه وارتحت
صوتك يعطر بال سمعي ، ردودك
غنوه تسلّي خاطري .. كل ما نحت
يهزم غيابي عنْك .. كثرة .. جنودك
لوّي شجاعة حب .. انهار لا صحت
طيفك ، سَمارك ، حلو هرجك عهودك
نسّوني أيام الحزن .. لييين مَ فرحْت
لا تْظن .. في غيبتْك .. تذبل ورودك
تزهى بك أغصان الوله ، كل ما لحت
دامك على هالقلب فارض وجودك
محدٍ بدالك .. ياخذ الجو .. لا رحت ..
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

