الشاعر / محمود ابن عويد الصبحي .
دارت أيامي و غطّاها العجاج
نظرتي لسنين ما وفّت وعد
إبتدى فيها على الخافي عواج
و الخطا يقلع وتد بعده وتد
و إستمرّت في مواعيد الهجاج
لين قفّى عن عيوني و إبتعد
من بعد ما كان للعتمه سراج
إنطفى نوره ولا شافه أحد
فاقد اللي لا طغى طعم الهماج
في شعوري ما يجافيني أبد
يرسم البسمه على فمّ المزاج
و الهموم تضيع في ليلة سعد
ضيقة الخاطر تدوّر للفجاج
جيّته كانت لها برق و رعد
و المطر و الغيم و البهجه علاج
من رضاها تمتلي روحي برد
يا زماني كيف لو قام إحتجاج
يرفض الحاضر مع القادم بعد
تاخذه ب الصد و لّا ب الخراج
مع مرور الوقت لو باقي جهد
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

