شعر – #محمود_ابن_عويد_الصبحي .
ياشوق لو لك سوق واسوم قسمي
للي يبي يشري من الجال للجال
بلاش و أفرغله على صك رقمي
و الدمع من عيني على الخد همال
كملي قنيته و إنكسر فيه سهمي
و أصبح يكلمني و أغنيه موال
ما عاد يمديني محى الوقت رسمي
من كثر ما فكري مع الشوق رحال
أخاف ينسيني إذا زاد أسمي
و أغيب في عالم خيالي عن البال
وأشوف حول السوق معروض وسمي
ما بين جلّابه و بايع و حمّال
حدّتني الدنيا على جور خصمي
ما هو فقر لكن تمرّد على الحال
و البيع بالجمله على إقرار حسمي
ما يحق للشاري إذا شال يحتال
شوقي طوال الوقت ماهو بوسمي
مثل الندى يسري مع الغصن لامال
لإن بوح السد موضوع حتمي
ويموت كل إحساس و الشوق لازال
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com


جميل أستاذ محمود
صح بوحك
صح لسانك وسلم منطوقك وصح بوحك
مبدع كالعاده نص شعري جميل وبوح وجداني رائع
احييك على هذا الابداع وفالك التوفيق❤️🌹