شعر – ميعاد الحربي .
رماد .. ومرّني .. ليل امنياتي .. ريح .. لعّابه
تهب وكل ما هبت خذت واحد من أحلامي
عرفت اني من أول ما انجرح قلبي وأنا بـ غابه
وذاكرتي هشيمٍ يشتعل .. من خطوة أقدامي
مشيت لآخر التيه وكثر ما اتغرّب ارضى به
أحب آهیم بـ سکوتي وعنّي .. تنطق اقلامي
ويغريني .. وهم هذا الطريق .. واعشق ترابه
أنا اللي بـ السراب احيا .. لو ان الموت قدامي
تعبت اكتب ولي صبرٍ .. لو آضيق آتحلى به
غلبت اندم ولي خاطر ، يشيل ويكتم آلآمي
ضحكت أدري .. أنا مع ضحكتي بالكذب نتشابه
وكل اللي ورا شفاهي بقى بي صمت مترامي
ولي نبضة بکت بین الحنايا .. عمر .. مرتابه
تهيّت للمعانق وانحنت .. في صدري الظامي
رحل صوتي؟ أو تلاشی ؟ أو آن ماله صدی جابه؟
كثيره .. كانت أسئلة الظنون .. بـ دفتر اعوامي
متی یا لیل تاخذني لـ صبحك واطرق أبوابه
يبدد عتمة سنيني .. ولو واحد .. من أحلامي ..!
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com
