الشاعر / #محمود_ابن_عويد_الصبحي.
بعد ما هانت العِشره على المترف قَلب ممشاه
مضى في دولج الدنيا و لا يبغا يحاكيني
يضيق و يختلف لونه إذا ما جابته ذكراه
أحسّ إنّه من العذّال ما يقدر يواسيني
غريب و تارك إحساسه يقوده للذي يعصاه
كأن المسأله صارت أهنّيه و يبكّيني
حرام الناس ما تفهم وش اللي صاحبي يبغاه
يسلّ السيف من غمده على جيّت محبّيني
عجول و لا يبي يعرف متى يندم على فرقاه
متيّم بالحياة اللي تسلّيه وتعنّيني
أخاف الوقت يبعد به و لا نستانس برؤياه
مهجّر فأخر الدنيا على ذكرى تودّيني
يا أحلا ما خلق ربي كفاية ما مضى بنساه
تعال و راجع أوراقي عسى خوفي يبدّيني
محد مثلي في هالعالم ينادي فالدّجى رباه
سألتك يا إله الكون ترفق به و تهديني
بدوّر في أثر غايب يضوّي للسماء قمراه
عسى وقتٍ مضى يرجع من أوجاعي يداويني
بعيش اللي بقى منّي على رجوى تجرّ خطاه
تحت أمر الظروف اللي تضوّيله عناويني
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com


ابداع
صح لسانك