شعر / #محمود_ابن_عويد_الصبحي .
كنت أفكّر لو تجيني تعتذر
أتركك و أبعد ولا أسأل وراك
و أرجع لنفس الأماكن و أنتظر
خطوتك ترجع و تشرحلي هواك
و أتغلّا و أتبسّم و أستمر
فأخر اللحظات يوحشني رضاك
لكن الصدمه تجيني تختصر
ما مضى من حب ما يفرق معاك
جيّتك كانت تبيني أنكسر
و الليالي السود تبدا من سماك
ليه خلّيت الأماني تحتضر
ليه ما برّرت باحساسي خطاك
ليه ما خلّيت قلبي يفتخر
إن دقّاته تعبّر عن عطاك
ليت قلب الشوق ما حب و سهر
و ليت عذر الصمت ما يغلب شفاك
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com


لكن الصدمه تجيني تختصر
ما مضى من حب ما يفرق معاك
جمييل
صح بوحك أستاذ
ليه ماخليت قلبي يفتخر ان دقاته تعبر عن عطاك صح السانك شاعرنا وهنيئا لنا بهذه الابيات اللتي تسمو بنا لأرقى معاني الحب