شعر – #محمود_ابن_عويد_الصبحي .
لا قلت يا حظي خذْلك التحايل
جاوبني الواقع علامك سلامات
يا أخي حرام تذّمنا ف المثايل
وإنتا قطفت من الليالي زهورات
ليله على سلم النقى و الدلايل
عادك تحرّى من قِناها زعامات
أخذت لك أطيب صنوف الحلايل
من دار منشاها فعمق السيادات
وإنتا قنيت أجّْوّد أساس و سلايل
لو ما وفى حظك تحوز الصدارات
حتى لو إنّ الفن ب الخير مايل
تترك على ظهر البسيطه علامات
تعطيك في قمّة حضورك وسايل
تساعدك لا جيت تبني امارات
مهما تدوّر عن ثراها بدايل
ما راح تلقى في حياتك إضافات
تحرجك وتكثّر عليك الجمايل
لا جبت طاري للتعدد ب زوجات
تدعمك و تسابق عليك الخلايل
و تقولك إقدم و خلّ الضعافات
روّح تنقّى و إحتزم ف المسايل
باللي يورّدها عنان السماوات
إعزم ودّور من خيار الحمايل
مهره أبوها من عريق السلالات
لجلي أنا معها نجيب الحصايل
اللي ترجّاها مدير العلاقات
نفتحلها لو حظّها قام فايل
و نقولّها كيف التصالح مع الذات
لعلّها تنجب مع الوقت وايل
ما هو كليب اللي ف عصر النزاعات
يطنخ مع أخوانه إلى حدود حايل
و من اليمن لأخر جبال السراوات
في عزّ حرب اللي لها مجد هايل
تشهد لها كل الأمم ب البطولات
ب قروم صُبح اللي بها الشّر زايل
عيالها سُمّوْ رجال المهمّات
من دون شك ف حق كل القبايل
أهل الشجاعه و الكرم و المروّات
في ظلّ فوز المملكه ب الفعايل
اللي تمثّلها نيوم الصناعات
رؤية ملك دايم يحوز الجزايل
ب المملكه زاحم حدود المجرات
وإبنه محمد من الثقات القلايل
اللي يبلّغنا مرام الطويلات
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com


صح لسانك ولله درك شاعر فحل
الله الله
صح لسانك يابو عبدالرحمن
اقدم وحنا لك سند 🙏
القصيده جزله ورائعة ترضي الرجال لكنها تزعل النساء
بوح رائع وتطبيقه الفعلي اروع ..
من رقي ذوقك وجمال احساسك وتميز ذائقتك وليس بعد جمال حرفك ابداع
سلمت اناملك