الشاعر / صلاح المطرفي .
الجائحة بعدك عن اللي توده
ماهو مرض مده من الوقت ويروح
كوفيد حجره خمسه شهور حده
وبعد الحجر يبرا منه كل مجروح
المشكلة منهو طريح المخده
فاقد وليفه بعد ما والف الروح
بين العرب في دار خاله وجده
وعاف الحياة اللي بها ضحك ومزوح
تبري جروحه شوفة اللي يوده
الجادل اللي يمه البال مشروح
رغم المسافه فوق عشرين شده
ماجاز لي غيره من الغيد مملوح
بنت الشيوخ أهل القنا والاشده
يالله تكتب لي بها الوصل باللوح
ماني معه في عد جده وعده
لكنه أقرب لي من العين للشوح
يالله يا علام سدي وسده
سوق الفرج قدام لانخاه وابوح
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

