للشاعر / فايز جابر المنصوري الثبيتي .
فالحجر مانخرج بليا تصاريح
وماينفعك تصريح سلم البداوه
ولاتنفع الحيله ودمع التماسيح
خلّى قسي الرأس ينسى القساوة
وخلّى مساجدنا بليا تراويح
ولا عاد نسمع للدعاء والتلاوه
شهرين مرت ماعرفنا المراويح
وممنوع نستقبل ولابه حفاوه
لأهل الوجيه اللي بها هبة الريح
مايوم شالت فالصدور العداوه
اهل النداء بيض الوجيه المفاليح
وقت الله الله ماتعرف الرخاوه
ياحظ من هو بالدجا له مصابيح
اهل النقا واهل الوفاء والصخاوه
ولأبواب فعل الخير معهم مفاتيح
هاذي حقيقه ماعليها غشاوه
_________________________________________
المحتوى أعلاه يتم نشره عبر حسابات المجلة ادناه تفضلوا بالمتابعة :
تويتر :
فيسبوك :
سناب شات :
https://www.snapchat.com/add/shababeksglob19
قناة شبابيك :
https://www.youtube.com/channel/UCZbfRIHzi1WyP3_7lHfc0ag
لمزيد من الأخبار المنوعة الدخول : http://www.shababeks.com

