الشاعر-احمد بن فهد
يا بياض الثلج يا حلو المحيّا
العيون الهايمه بالدمع تشرق
البحر في عينك و موجه عتيّا
يبهر البحّار للأنفاس يسرق
لا تخافين البحر لو قلت هيّا
البحر يخشى عيونك يوم تبرق
كم يتوه البحر لا جيتيه ضيّا
بينك وبين القمر ما شي يفرق
ليل شعرك شفت انا فيه الحميّا
يحجب اضواء الفضى من يوم ِتشرق
ليت من مثلك قبل يرحل تريّا
في رحيله حول غرب وحين مشرق
ماطويت الحب فالاوراق طيّا
ودايم الابواب مقفوله وتطرق
كم تمنيت اتجه صوب الثريّا
واني ارقى بين غيم وسقفٍ ازرق
يوم حان الجد واحساسي تهيّا
قلت كيف ارقى وانا هلحين اغرق
مثل ما زاح المسا وجده عليّا
صار شوق لك مع الانفاس يحرق
المحتوى أعلاه تم نشره عبر حسابات المجلة ادناه تفضلوا بالمتابعة :
تويتر :
https://twitter.com/shababeks_1
فيسبوك :
قناة شبابيك :

