الشاعر- ضيف الله السميري
ذاب شمع العين واخلف مفاهيم الكلام
واحترق بوح المشاعر من القلب الجريح
وافطرت بي ضيقة الصدر في شهر الصيام
لين ضاقت في عيوني وكون الله فسيح
لو درت تغرودة الشوق عن نوح الحمام
ماتوارت عن غصوني وخلتني طريح
كل ماغنيت قافي على عزف الغرام
وازدحم غيم التلاقي تقفّى الغيم ريح
ينتظرها فارغ الصبر تهديه السلام
بس عيت لا تسلم وعيا يستريح
سببت بين الحنايا من الود انقسام
واختلط شعر المواويل والشعر الفصيح
ملهمة شعري عليها معاليقي حيام
تنثني لعيونها النفس لكن ماتطيح
تبتسم ويشعشع النور ويزيح الظلام
تلتفت وتصافح الغيم بالخد المليح
احتضنها طيف عابر واقبلها وانام
واتفاخر في نسبها واغنيها مديح
وان صحيت وخالف الجبر مكسور العظام
والله ان اغلا السراير بصدري ماتبيح
ووالله ان ابيات شعري تقلدها وسام
ووالله ان هموم قلبي بشوفتها تزيح
المحتوى أعلاه تم نشره عبر حسابات المجلة ادناه تفضلوا بالمتابعة :
تويتر :
https://twitter.com/shababeks_1
فيسبوك :
قناة شبابيك :

